ازاى تختار Marketing agency

ازاي تختار Marketing Agency متلبسكش في الحيط

الـAgencies على قفا مين يشيل

ثقافه  الـNet cafe و محلات الاكل السوري ومحلات الـwaffle و حجات تانيه كتير هي جزء اصيل في تكوين ثقافتنا عالمياً بشكل عام و بالتحديد  في الشرق الاوسط 

و ده بسبب ان الـInnovation Diffusion Curve (اللي هي نظريه تقسيم البني أدم من منظور التوزيع الابداعي) في مصر لسه فيها مشكله , الـCurve  اللي تحت بيوضح التوزيع الابداعي عند البشر الطبيعين في سنه 1962  

كان 70% منهم Average people بيشوفوا 15 % من البشر (الـInnovators و الEarly Adopters ) بيعملو ايه و يعملوا زيهم, هم دول الناس اللي مشيه جانب الحيط, اللي مقتنعين ان الوظيفه امان و ان الاكل بنزين و هكذا

اما ال15 % اللي علي اليمين فدول مبيعملوش حاجه اصلا (People with no impact) اللي هم الـLaggards

DiffusionOfInnovation

Distribution Of Behaviour

الـCurve ده ساح و بقت الاغلبيه هي اللي غريبه و بتجرب حاجات مجنونه و بتاخد Risks كتير و بتخترع و بتبدع

المشكله انه لسه “ماسحش” في مصركفاية ، لسه اغلبيتنا بيشوف ايه اللي نجح مع الناس و يجري يعمله ، لاننا اجبن من اننا  نحاول نعمل حاجه محدش عاملها قبلنا، ده behavior مجتمع و محتاجين نفهمه عشان نعرف نتعامل معاه و منتضررش منه 

بما ان الـBusiness شركات، و الشركات بشر 

إذاً النظريه دي تطبق علي الـBusiness

و في حالتنا دي هنطبّق بالتحديد علي الـMarketing Agencies 

للأسف 70% من الـMarketing Agencies (بناءً علي النظريه اللي فوق ) اللي في مصر كل اللي هم بيعملوه انهم بيقلدوا 15% من الشركات، يشوفوا هم  بيعملوا ايه و يطبقوا اللي ينجح منه و مش محتاج اقولك مدي خطوره الـAgencies دي علي الـBusiness بتاعك  عامله إزاي

الـArticle دي معموله عشان تعرفك إزاي تكتشف هل الـAgency اللي بتتعامل معاها من انهي نوع ، عشان احنا من مصلحه الـMission بتاعتنا انك تشتغل مع شركه من الـ 15 % الـInnovators و الـEarly Adopters

ده الهدف اللي مكتوب عشانه الـArticle دي

الفن و النحت

“Good Artists COPY Great Artist STEAL”

Picasso

مفيش حد بتجيله فكره من العدم، الافكار يا بتتنسخ يا بتتسرق، بيكاسو كان يقصد بالQuote دي انك لما بتنسخ حاجه فده معناه انك سالفها و مبيتولدش في مخك فكره انك تعدل فيها لأنها سلف، اما لو سرقت فكره فده بينقلك ملكيتها  ليك و انت بطبيعتك لازم تضيف وجهة نظر عليها لدرجت ان اللي انت سرقت الفكره منه ميعرفش ان دي كانت فكرته 

هي دي السرقه اللى Picasso و Steve Jobs كانوا بيعملوها و هي دي اللي عملت اعظم ناس و شركات في العالم 

اللي عايز اوصلهولك، قبل ما تقيس اي حاجه لازم تحدد درجه “فن” الـAgency اللي انت هتتعامل معاها، و قد ايه هي بتعرف تسرق

المبدأ ده عايزك تبني عاليه تقيمك للـAgency في كل جزء من الخمس اجزاء اللي هنتكلم عليهم تحت

1- دماغ الـCEO

مش شرط توصل و انت بتعمل deal مع marketing agency انك تتعامل مباشرةً مع الـCEO بتاعه، دي بتختلف من شركه لشركه و المقصود هنا دماغ اعلي سُلطه مسؤله عن الـAgency انت تقدر توصلها 

طب الدماغ دي المفروض تكون إزاي ؟

طبعاً متنساش المعيار الاساسي اللي انت هتلاحظه بالـSense (الفن و النحت)

بس غير كده الشخص ده اهم حاجه محتاج تلاحظها فيه انه يكون “حقيقي” انا عارف انها كلما غريبه بس اكتر حاجه ممكن تعبر بإيجاز، كل الفكره انك لو لاقيته بيتظاهر بحاجه مش فيه، بيكدب، بيبالغ، مستهتر بس بيحاول مبينش أعرف ان شركته هتكون انعكاس ليه 

مفيش بني أدم في الصفات الوحشه كلها و لا الصفات الحلوه كلها يعني مفيش فينا حد حقيقي 100% يعني الموضوع نسبي و علي حسب تقبلك للنسبه اللي قدامك 

Action Step

حاول علي قد ما تقدر  توصل للـ CEO او اكتر شخص ليه Authority تقدر توصله  قبل ما تمضي و لو ربع ساعه  لأن ده هيعرفك معلومات مهمه عن الـAgency اللي انت داخل تتعامل معاها و هيكون جزء من اتخاذ القرار عندك

2- شغل الـAgency علي نفسها (باب النجار Case-Study )

بص بقي “باب النجار مخلع ” دي اكبر اشتغاله اشتغلهلنا اي حد بيقدم service في الدنيا و ده لأنه اضعف من انه ينفذها علي نفسه او اقل حكمه من انه يفهم ان الموضوع ده من اكتر الحاجات اللي هتولد ثقه مابين الAgency و الـPotentials بتوعه

باب النجار Case-Study

يعني اول شغل محتاج تسأل عنه الـMarketing Agency هو الشغل اللي عملوه لنفسهم، لأن ده احسن حاجه المفروض يكونوا عملوها و ده هيعرفك سقفهم ايه بصوره مبدأيه

Action Step 

لو لقيت Social Media Agency شغلها علي الـSocial Media بلح متشتغلش معاهم 

لو لقيت Web Agency الـWebsite بتاعهم تعبان اهرب بسرعه 

لو لقيت SEO Agency مش مـRankـة في الـKWs الاساسيه اللي تفيدها اختفي من قدمهم 

و هكذا …

  3- الـPortfolio

جينا للكلام اللي يزعّل 

احنا هنتكلم علي الـ Social Media Agency كـ مثال و طبّق انت الكلام ده علي اي نوع Marketing Agency تانيه سواء Full Inbound Agency او SEO بس او حتي Advertising Agency

الـPortfolio في الـSocial Media كما يجب أن يكون

لو لقيت Social Media Agency حطه في الـPortoflio بتاعها شويه لوجوهات و خلاص اعرف انهم بلح

وده بسبب ان لو الـAgency عملت كده انا هشوف اسم الـbrand اللي هم عملولوا شغل Social Media و هدخل ادور عليه 

طبعاً ساعتها هتكون كـPotential Customer قدامك احتمالات كتير زي انك متعرفش توصل للـPage او توصل لوحده غلط 

و حتي لو وصلت انا كـUser عادي في الFacebook مثلاً اخري هقول علي الـpage دي حلوه او وحشه و خلاص و ده هيظلم الAgency جداً 

الBest-Practice هنا انك تلاقي الـLogos اللي في الـPortfolio بتوديك علي الـCase-Study اللي هم طلعوا بيها من الAccount ده و ايه اللي اتعمل فيه بظبط و حقق نتايج قد ايه، و مفيش مانع تحط لـLink الSocial Account اللي معمول عليه الـCase-Study وساعتها لما يدخل هيكون فاهم الـشغل اللي اتعمل قيمته ايه

Action Step 

اتعامل مع اللي بيعرض شغله بالطريقه دي عشان دي Agency (في الاغلب لو توافرت بقية الشروط) فاهمه هي بتعمل ايه و عامله شغل كويس يستحق يتعرض كده، اما لو شويه logos و بيقولولك بص احنا عاملنلهم ايه يبقي اهرب

طبعاً نفس الكلام علي اي نوع وليكن SEO ِAgency يبقي تنزل Case Studies بـScreen-shots و Link للـKeyword اللي هي مـRank  فيها (عارف انها مش حاجه ثابته بس لو هو شاطر هيعرف يظبطها)

 4- الـمواعيد

الشركه عباره عن بشر هتلاقي منهم اللي موعيده مظبوطة و اللى مواعيده بايظة، المهم الشخص اللي مواعيده هتبقي انعكاس لشغلك هو الشخص المسؤل عن الـOperations يعني اللي هيكون مسؤل عن التنفيذ (مش بنفسه ) لو لاقيته في أول تعامل ما بينكم قالك هبعتلك x على الـMail بكره الصبح و لاقتها جاية بعد بكره الصبح اعرف ان دي علامة يا مارد ، لو اتكررت اكتر من 3 مرات منصحكش تكمل 

Action Steps

قبل ما تمضي لازم تقابل الـTeam Leader اللي هيكون مسؤل عن تنفيذ شغلك و تختبره

خلي بالك قبل ما تمضي

 5- الـDeal نفسه

بص بقي الـDeal نفسه ده مشكلة كبيرة، الـIndustry بتاعتنا مترامية الاطراف و ملهاش Standards هتلاقي اللي بيمسك Account Facebook بـ2000 جنيه و بيقولك انه sorry يعنى “هيشقلبك بيهم”، و في اللي هتلاقيه بياخد في الAccount 

علي الأقل 25000 في الشهر كبداية 

بغض النظر أن الشركه الأولانية دي هتلاقيها واخده الـFees عشان تكتب للـfans “صباح الخير” و “تصبحوا علي خير” (ملناش دعوه يا موهي)

خلينا في الـAgencies الغالية (اللي في الأغلب بتكون تمنها فيها بس لما تتوافر كل الشروط اللي فوق)  اللي محتاج تلاحظه في الـDeal هو الـMindset يعني هو الـDeal ده معمول عشان يمص دمي و يلحق يكسب منى أكتر حاجة قبل ما اسيبه و اروح لحد تاني ولا الـMindset اللي معمول بيها الـDeal مبنيه علي اني عايز فعلاً اطور الـBusiness بتاعك علي الـLong-Term و ده ابعد ما يكون عن المثالية و أقرب ما يكون للذكاء 

وده لأن مكسب الـMarketing Agency الحقيقي مش انها تاخد منك 30000 الف جنيه في الشهر، مكسبهم الحقيقي بيظهر لما تفضل تدفعلهم المبلغ ده لمده سنتين، و ده مستحيل يحصل لو Agency اللى أنت بتتعامل معاها كانت بصه علي مكسبها أكتر ماهي باصه علي مكسبك

Action Step

ركز على الـMindset اللي معمول بيها الـDeal أكتر من الـDeal نفسه

     الخلاصة

كل الكلام اللي فوق ده جميل و هيساعدك تختار كويس جداً مين الـAgency اللي تتحمل مسؤليه شغلك ، بس بيني و بينك اللي هيبين و هيثبت بما لا يدع مجال للشك، هو الشغل نفسه يعني اول 3 شهور، و ركز معايا ارجوك في النقطة دي 

“Company Extension” 

لو ملقتش في أول 3 شهور أن الـMarketing Agency اللي ماسكه شغلك  عبارة عن Extension للشركة بتاعتك ، لو محستش  انهم مركزين في شغلك أكتر منك حتى في الحاجات اللي مش عليهم بيقي “فرصة سعيده جداً” عشان اللي مش هيعمل معاك كده مش هيعملك إنجاز اخره يمشّي الدنيا و يحافظ عليها زي ما هي و ده أُس الفشل 

ده ملوش Action Step غير انك تجرب و تشوف 

صعب قوي انك تلاقي Marketing Agency موافية للشروط و المعايير 100% احنا نفسنا فة IdeaCloud Agency مش 100% من اللي احنا كاتبينه، بس الفكرة اننا دايماً بنحاول نوصل للـ100%

Write your review

Send me Tips to Grow My Business