ازاى تستغنى عن الـe-marketing agency في 3 خطوات

ازاي تستغنى عن الـE-Marketing Agencies في 3 خطوات

قبل ما نتكلم في ناس ممكن تكون مش عارفة ايه هو الـe-marketing  ولا ايه فايدتهُ ممكن تعرف من هنا، لكن لو أنت عارف سيبك من الـ Link ده و كمل معايا.

أي e-marketing agency  فلوسها كثير جداً، و أنت مش قادر تدفع فلوسهم مش كدة؟ أنا هعرفك ازاي تعمل الـe-marketing  من غير أي فلوس ( بس eMarketing بالـInbound Flavor)

علشان تقدر تستغنى عن اي e-marketing agency  امشيّ على الخطوات اللى هقولهالك وافهمها كويس قبل ما تبتدي تعملها. خد بالك في حاجات غصب عني مش هقدر أوصلهالك، لأنها مش بتتعرف اإا بالتجربة و كل منتج ليه ظروفه.

الـ e-marketing ليه طرق كثيرة و platforms  أكثر، كل platform  من دول ليها استخدماتها، أنا هعرفك ازاي تستخدم الـSocial Media و بالتحديد الـFacebook، الـBlogs، و تظبط الـSEO بتاعك وأنت بتعمل online marketing لأن دول هما الـChannels الأساسيه اللي المفروض تبدأ بيهم.

خلينا نبتدى من الأول

الـFigure ده e-marketing Strategy مبسطه جداً، هنستخدمها علي الـ3 channels اللي اللي قولناهم فوق

emarketing strategy

هشرحلك الـstrategy  دي بطريقة مبسطة جداً

1- قبل ما تدخل في أي حاجة لازم يكون عندك رؤية، يعني حدد رؤيتك عن الشركة بتاعتك في الثلاث نقاط دول، علشان تعرف تبتدي ازاي.

ممكن تكون رؤيتك “تؤثر في ثقافة” ، او مثلاً “تعمل توعية إتجاه شيء معين”، الخ..

2- احنا حددنا اننا هنشتغل على 3 حاجات، SEO، Facebook، و الـBlog، يعني هكتب content مخصوص للـSEO، و حاجة مختلفة للـBlog و حاجة ثانية للـFacebook.

3- اعمل ترتيب أولويات، كل حاجة من دول هتستخدمها علشان هدف معين هنعرفه قدام، حدد أهدافك صح علشان تقدر ترتب أولوياتك.

4- هتبدأ تكتب الـcontent  اللى أنت محتاجه و تنشره و تهتم بأن كلامك يبدأ يوصل للناس، و تـEngage معاهم.

5- اسمع الـFeedback اللي هتيجي على الـcontent  اللي قدمته.

6- لو جالك negative feedback، حدد مشكلتك فين، علشان تعرف تتصرف صح.

حل المشكلة علشن تضمن رضى العميل، و اتعلم من الغلط اللى حصل، و متكررهوش ثاني

الكام خطوة دول لو عملتهم صح بتفاصيلهم هتضمن زيادة في الـSales فى حدود 6-9 شهور!

ازاى تـmarket شغلك على الـSocial Media، و بالتحديد الـFacebook ؟

هنظبط الـpage الأول، وفيها 4 حاجات أساسية:

– الـProfile Picture  أحسن حاجة أنها تكون الـLogo بتاعك.

– الـCover Photo، حطّ فيه صور المنتج الجديد اللي هتقدمه، أو في الأعياد حطّ صورة تعيد بيها على الناس، او ممكن تحطّ call to action، او الـcontact بتاعك. (هتحتاج designer علشان يعملك تصميم مميز يشد انتباه الناس لو مش معاك فلوس للـdesigner، شغل الـcreativity  و استخدم Pickmonkey مثلاً).

– الـAbout Section، ببساطة كدة، شوف أنت بتعمل ايه و بتقدم ايه للناس و أكتبه وازاي يقدروا يتواصلوا معاك بسهولة، مكانك فين على أرض الواقع، و الموقع بتاعك.

– الـUrl: لازم يكون باسم الـpageبتاعتك. زي

“https://www.facebook.com/SchoolOfeMarketing”

ندخل بقى على المهم.هتستخدم الـpage دي ازاي في انك تعمل online marketing؟!

1- اقعد مع نفسك قبل ما تبتدي أي حاجة و اسأل نفسك سؤال مهم جداً، أنا عايز الناس تشوفني ازاي؟، مادام دخلت على الـSocial media لازم تتخيل نفسك إنسان، و كل إنسان و ليه طريقة كلام معينة، حددت أسلوب كلامك و طريقتك مع الناس و كدة تكون عملت Brand Voice.

2-  اوعي تعتبر الـfans اللي عندك دول على انهم leads و خلاص.. لاء! ، دول أصدقائك، اهتم بيهم لدرجة أنك تعرف هم بيحبوا ايه، و محتاجين اللي بيحبوه ده في أنهي وقت، و اشمعنى بيحبوا الحاجة دي في الوقت ده.

زي علاقتك مع أعز صحابك، أنت عارف ايه اللي بيريحه و بتحب تعمله له علشان بتحب تشوفه مبسوط.

3- قدم valuable content لأن  أي علاقة بين اثنين على الارض، هي علاقة خد و هات، أنت بتقدملي شيء محترم و يسعِدني في المقابل أنا كمان هقدملك حاجة، ممكن يكون اني أشتري منك او اكلم للناس عليك. بمعنى أخر أنك هتخلي الـcustomer بتاعك هو اللي يعملك marketing بس في المقابل أنت تقدملهُ معلومات في مجالك مثلاً..اوعى تقوله تعالى اشترى لأن أنت مش داخل تبيع، أنت بتعمل e-marketing على الـsocial media مش على selling media!. (هنتكلم في الـcontent  تحت بالتفصيل.)

4- خلى الناس تحس أن الـ Brand إنسان مش machine ، علشان كده شاركهم اللي بيحصل في حياتهم اليومية ، لكن أبعدّ عن 3 حاجات عاملين أزمة مع المصريين (السياسة، الكورة و الدين).

5- هتلاقي الـsocial media عليها ثقافات مختلفة و كل واحد بيتكلم بلغة، فلو بيتكلم English كلمه English  و لو عربي كلمه عربي، إن شاء الله يكون بيتكلم صيني هات واحد بيتكلم صيني.

6- افتح الـReview  على الـpage علشان الناس تقدر تقول رأيها فيك.  الـFeedbacks ممكن تكون negative أو Positive، الـnegative اسمعها و افهم الـclient متضايق من ايه وحاول تحل المشكلة، و لو حصل غلط منك اعتذرعنه، و الـpositive اشكرهم على مشاركتهم رأيهم معاك.

بص شركة NESCAFÉ، ازاى بتستخدم الـFacebook في الـonline marketing

nescafe online marketing

تعالى أقولك أهم نقط فى الـcontent علشان تاخد بالك منها:

أى marketer هتلاقيه بيقولك أن الـcontent هو البنزين للـ modern marketing.

1-   الـcontent مش كلمتين بتحطهم للناس، هو عبارة عن ملخص من تجاربك في مجالك، ومش هيجي من الهوا، لازم تفشل و تنجح علشان تقدر تقدم معلومات للناس و تعمل ملخص لتجاربك الشخصية.(حته لو الـProduct بتاعك مجرد نسكافيه, لأنك لو الـContent Marketer بتاعهم أنت محتاج فعلاً تكون “خبير مخضرم” في طرق استخدامه

2-   ممكن تعمل content  بطريقة ثانية، و هى إنك تعمل search على topic معين حابب تتكلم فيه و تكون وجهة نظرك الخاصة حولين الموضوع.

3-   تقدر كمان تشوف الـfans بيسألوا عن ايه دايما و عملهم مشكلة فى مجالك، و تساعدهم بـContent يحل المشاكل دي

4-   غعمل brainstorming مع الـteam  عشان تجيب أفكار تساعدك تقدم حاجة جديدة .

5-   حدد أنت هتكلم مين، مش لما بيكون عندك واحد من صحابك في مشكلة و عايز تساعده، دايما بتكلمه بالأسلوب اللي هو بيحبه عشان تقدر توصله و تساعدهُ، اهو الـleads بتوعك دول صحابك، أتعلم أزاي تساعدهم صح.

6-   ينفع تاكل كل يوم نوع أكل واحد؟!، لا دايما بتغير علشان بتزهق. اهو الناس عايزياك تغير الـcontent بتاعك علشان متزهقش، تقدر تستخدم صور، videos، أو infographic.

7-   رتب أفكارك اللي طلعت بيها من الـBrain-Storming  قبل ما تكتب أى content، لو أفكارك مش مُرتبة هيبان أنك حاطط معلومات دّش و خلاص، و الناس هتّوه و هي بتقرأ.

8-   خليك عامل زى الـRadar بيلقط الـcontent  الجديدة اللى بتنزل للـcompetitor بتوعه، و قبل ما تكتب أى content، لازم يكون فيه إضافة عن اللي الـcompetitor  منزلينهُ، لو مش بيضيف يبقى ارمي اللى أنت عملتهُ.

9-   بعد ما بتكتب الـcontent ، في حاجة مهمة جداً اسمها CTA دي أختصار لـ”Call To Action”، يعني المفروض أنك بالجزء ده بتلعب بالعقل اللا واعي للـleads و عشان تعرف هما استفادوا بعد ما قروا الـarticle ولا لاء.. هديك مثال ممكن تقولهم في الأخر ” لو عندك اسئلة أنا هساعدك” أو مثلا “لو واجهتك مشكلة قبل كدة في الموضوع دة ممكن تقولنا ايه هي”.

10- دلوقتي جه وقت الـtest شوف اسلوب الكتابة دة نفع مع الـleads بتاعتك ولا لاء؟.

 ندخل بقى على كام معلومة محتاج تعرفهم كويس جداً و أنت بتستخدم الـFacebook في الـonline marketing:

1-      الـEdgeRank

2-      Ads

3-      Analytic

ناخد أول حاجة الـEdgeRank، أفتكر نفسك كده و أنت لسه فى أول الشركة، نجاح الشركة كان نتيجة لمجهودك مع وقتك و فلوس كثير، أهو ده الـEdgeRank، لما بتكتب content مش فكرة إنه مميز بس ده  اللي هيأثر على انها توصل للناس، محتاج ابني علاقة قوية  مع الـcustomer، واظبط الـengagement rate  واهتم بنوع الـ engagement اللي بيحصل على الـpost، إذا كان comment ولا shareولا like. و بيتحدد كمان من نوعية الشخص اللي عملك engagement، أكيد لو باسم يوسف عملك comment مش زي واحد صاحبك، و كمان قد ايه وقت عدى على نزول الـPost.

طب أزاي تقدر نحل الموضوع ده، و نخلي الـpost بتاعنا يوصل لأكثر ناس يعني نعليّ الـEdgeRank بتاعك؟

1-    الـcontent لازم يكون مميز و مفيد.

2-  لو أنت الـlead بتاعك ناس مشغولة و علطول حركتهم كثير، يبقى أكيد بيستخدموا الموبيل كثير، هنا هيكون أحسن إني أستخدم photos و أنا بقدم الـcontent، بس دة مش معناه إني أستخدم الـphotos بس، لا أكتر من نوع بس أعرف أنزل كل نوع امتى.

3-    حدد الناس اللي أنت بتكلمهم سنهم أيه، عشان دة هيفرق في تاثير الكلام عليهم، اللي هيوصلهم أنهم يعملوا  engagement.

4-    اعرف أنهي وقت بيكون الـleads عندك أغلبيتهم فاتحين النت و انهي وقت لأ علشان تنزل الـpost في الوقت الصح و خلي بالك امش شرط يكون الموقت الصح هو الوقت اللي هم موجودين فيه!!!

ندخل على ثاني حاجة: الـAds على الـFacebook، هتحتاج من فترة لفترة تعمل اعلان على الـFacebook علشان توصل لـناس أكثر، و أنت بتعمل إعلان اعمله على content اصلا جامد، مش تعمل content علشان تعمل إعلان!. ادخل على Ads أخر ألاجا  علشان تقدر تعرف ازاي تعمل Ads من A to Z.

و لو لسة عندك أسئلة أكثر في الـads تقدر تدخل هنا هتعرف تفاصيل تفيدك أكثر

ثالث حاجة: ازاي تعمل analysis  للـ page ؟ و تحسب الـ engagement rate، ده محتاج تعمله كل أسبوع، علشان تعرف أنت الـFans عندك مهتمين باللي بتقدمه ليهم ولا لاء.

أهم حاجة محتاج تعمل عليها Analysis في الـPage بتاعتك هي الـContent و المعادلة اللى تحت هى معادلة مبسطة جداً تحددلك نتايج مبدأية عن الـContent بتاعك

– هنحسب دلوقتي الـ”Content engagement Rate”

طبق الـEquation  دي:

Content Engagement Rate

هات المعلومات اللي فيها زي ما في الصورة اللي جاية

Engagement rate

لوحابب تفهم أكثر ممكن تدخل هنا

خلينا دلوقتي نحسب الـROI، اللي غالباً أصحاب الشركات بيكون ده أهم حاجة عندهم بيبقى عايز يعرف الفلوس اللي اتصرفت جابت نتيجة ولا لاء ! وإذا كان يستاهل نكمل.

الـROI بتتحسب بالـEquation  دي:

ROI

هنا الـBenefits هيكون الـمبلغ اللي دفعه الـcoustmers الـلي Social media كانت سبب فأنهم يعرفوك. و الـcosts هي الفلوس اللي دفعتها في الـSocial media.

حسبت الـROI؟، ارميها بقى! ..  الـROI مينفعش يتحسب كده، لأن الـROI دة عملية تراكمية، يعني لو أنت مصاحب حد وهو بالنسبالك صاحب العمر، ينفع تتعامل معاه على حسب كل شهر؟، ولا هي علاقة قديمة بتبنوها سوا؟

هو دة الـROI بالظبط، لأنك ممكن تدفع في شهر معين 6000 و يجيلك customer يشتري بـ3000، و الشهر اللي بعده تدفع 2000 مثلا و يجيلك customer يدفع 4000، و الـcustomer بتاع الشهر الثاني دة جي بسبب فلوس أنت دفعتها و مجهود عملته في الشهر الأول و الثاني. فهمت؟

يبقى……. 🙂

إزاي تستخدم الـBlog في الـE-marketing:

الـBlogging بتستخدمه لما بتكون عايز تعمل traffic على الـWebsite أو عندك content أثقل من أنه يتحط على الـFacebook،  تعالى بقى نعرف ازاي تعمل الـBlog علشان يساعدك في الـonline marketing.

هتعمل blog ازاي؟

1- اختار الـplateform اللي عايز تستخدمها، ممكن تستخدم WordPress، Blogging، او Tumblr. احنا بنستخدم wordpress لأنه أسهل و أحسن واحد فيهم.

2- عندك اختيارين إنك تعمل الـBlog يا أما free يا paid، مشكلة الـfree أنه limited و الـdomain بتاعك مش هتقدر تخليه attractive لأنك هتلاقيه عامل كدة “schoolofmarketing.wordpress” ، لكن الـpaid في المقابل هتقدر تختار الـdomain اللي على مزاجك، فراعي و أنت بتختاره أنه يكون سهل و مميز و مختصر

3- لازم تعمل design للـblog و خليه يعبر عن أهداف الشركة، علشان كدة اكتب الكلام اللي بيعبر عن الحقيقة و اللى أنت مقتنع بيه .على فكرة wordpress فيها designs كتير بس أبعد عنها علشان لازم  تكون unique.

mission, concept & culture

4- ندخل بقى على الـcontent، جمع كل الأفكار اللي بتجيلك و أنت ماشي، وأعملها filtering وشوف ايه منها ينفع للـblog بتاعك.

5- اكتب زي ما بتتكلم، لما تيجي تشرح أى موضوع شوف أنت بتشرحه لصحابك ازاي و اكتب اللي أنت هتقوله، الناس بترتاح أكثر و هي حاسة إنك إنسان طبيعي و أن الكلام اللي بيقروه واقعي. الناس كمان مش مهتمين بمين اللي بيكتب على قد ما هما مهتمين بمعلومات جديدة بتوصلهم.

6- متتكلمش في مواضيع عامة وكبيرة، يعني مينفعش تقول أنا هتكلم عن الـInbound marketing، خليك محدد.

7- متفتكرش أن و أنت عندك فكرة أول ما هتقعد علشان تكتب هتلاقي بيحصل flow من الكلمات و في نص ساعة هيطلع content. لما يكون عنك فكرة ابدأ اعمل research و اكتب outlines للمعلومات اللي عايز تقدمها، علشان تعرف تكتب كويس.

8- لو بترتب أفكارك مرّه قبل ما تعمل content على الـFB، هنا رتبه 3 مرّات على الأقل قبل ما تعمل Content للـBlog لأن الـcontent هنا طويل و تقيل.

9- الناس على الـblog بتكون عايزة تقرأ فالـ article لو طويلة مش هيتضايق بالعكس، لكن أهم حاجة الـarticle يكون فيها value .

10- الـarticle لو طولت منك لازم يكون فيها case studies و صور او videos مش مجرد حروف لأن ده شئ في أوقات كتير بيكون مهم

11- الـFormating، تخيل انه بيساعد الناس على انها تكمل قراية للأخر؟، فلو بتكتب عربي خلي كلامك كله من اليمين بلاش تخليه في النص و خلي الصور او الـvideos هي اللي في نص.

12- اعمل edit ، بعد ما تكتب هتفتكر انك كتبت اتقل Article في الدنيا ! و إن الأفكار كانت organised و أكيد طلعت بسلاسة، لا غلط! علشان كدة لازم تعمل edit و تديله حقه قوي

13- اعمل content strategy علشان تعرف تنظم وقتك و هتنزل article كل قد ايه.

14- اعمل share للـarticles على الـsocial media platform المختلفة اللي أنت عاملها( في حالتنا دي الـFacebook ).

15- اكتبلهم article مختلفة، ممكن تتكلم عن مجال الشركة، أو تعمل case study ، أو قدم حل لمشكلة معينة بتواجه الناس عندك.

 16- الـarticles اللي بتحل مشاكل خليها مفصلة و استخدم كلمات بسيطة عشان المقال طويل وحسسه إنك بتكلمه هو يعني استخدم كلمة “أنت” مش “هم”.

17- اعمل Button تقدر تخلي الناس تعملك subscribe للـemails.

subscribe

18- سهل على الناس طريقة للتواصل معاك.

contact me - School of marketing

خَلصنا بقى الـFB  و الـBlogging تعالى نشوف ازاي هتظبّط  SEO بتاعك  بحاجات بسيطة و من غير خبره

الـSEO  علشان تقدر تفهم كويس تخيل نفسك و انت تلميذ كان لازم علشان تظهر في المدرسة و الناس تعرفك انك تكون من الأوائل و شاطر جداً، هو الموضوع كدةه بالظبط، أنت لما بتيجي تعمل search  على اي حاجة على الـinternet، في مواقع بتظهرلك، ظهورهم و ترتيبهم معتمد على شروط معينة، كل search engine  و ليه شروطه اللي بيطبقها، كل ما تقدر تطبق منهم أكثر و تنافس بقية المواقع، كل ما فرصتكانك تظهر في أول page  هتكون أحسن، تعالى نعرف بقى هنقدر نعمل ده ازاي..

 1- اكتب articles في حدود الـ2000 كلمة

2- حدد للـTopic شوية keywords تبدأ تكررها في الـarticle، بس خد بالك من غير ما تكون قاصد تحشي الArticle  بالـkeyword.

3- استخدم الـkeyword tool اللي على Google AdWords

i. اختار search for keywords:” زي الصورة

keyword Planner

ii. اكتب الـtopic اللي عايز تطلعله keywords، بعدين دوس على get ideas.

Keyword Planner

 بعدين هيديلك أفكار عن الـkeywords اللي تستخدمها، الـcompetition عليها و إذ كانت low ولا high، وعدد الـsearch عليها.

4-   تخيل معايا كدة وأنت نفسك بتعمل search على الـtopic بتاعك، ايه الـwords اللى ممكن تستخدمها؟، أهو الكلمات اللى فكرت فيها دي، استخدمها في  الـArticle بطريقه منطقية و في اطار الموضوع

5-   استخدم bullets و numbering و الـheadings  لأن ده بيخلي الـarticle تكون well organised و دة بيخلي search engine  يديك الأفضلية في الـranking.

6-   خلى على الأقل subhead يكون فيه keyword.

7-   استخدم links بتعمل refer لـsites ثانية، و كل ما تكون الـsites دى تقيلة كل ما يكون أحسن.

(الـlinks اللي domain بتاعها edu، أوorg  دي بتكون الـauthority بتاعتها عالية)

8-   استخدم videos أنت رافعها على الـYouTube.

9-  لو أنت مستخدم صورلازم تعملها حاجة اسمها “Alt Tags”

10- الـPage title، لازم يكون فيها الـKeyword اللي أنت عايز الناس لما تستخدمها في الـsearch يظهر الـarticle.

11- الـURL مهم جداً أنه يكون friendly، يعني بيعبر عن اللي الصفحة و كمان الناس تقدر تفتكره بسهولة، و أصلا أنت اختار عنوان الـarticle يشد الناس و خلي الـurl هو العنوان.

ده الـuser friendly url.

user friendly URL

و دة ملوش أي علاقة بالـuser friendly urls.

user friendly URL

12- عليّ الـSocial Signals، لما هتكتب أي article اتفقنا انك لازم هتعملها promotion صح؟، عدد الـshares، الـcomments، الـlikes هتعليّ الـrank بتاعك، و يا سلام لو authorized person أو page عملت interaction مع الـpost بتاعك على الـFacebook دة هيديك فرصة كبيرة أن الـRank بتاعك يعلى.

علشان كدة خلي دايماً كل الـplateforms بتاعتك connected زي كدة عشان SEO يقدر يوصل الـsocial signals بتاعتك بسهولة:

Social Signals

13- ضيف الـBlog بتاعك على Freebase، علشان تعرف ازاي تضيفه بخطوت بسيطة ادخل على Link Assistant

14- في كام Plug-in كدة محتاج تستخدمه علشان يساعد search engines أنهم يوصلوا للـblog بتاعك.
– Google XML sitemaps علشان يساعد google أنه يوصلك.

– WP Smushit ،WP super cache، دول هيساعدوا الـ blog يوصل يحمل أسرع.

دول اللي هيعملهم الـdeveloper بتاعك و هو بيعملك الـblog او website.

المفروض إن أنت دلوقتي عملت content للـFB، الـblog، والـSEO، و قررت أنهي اهم عندك و عملت الـplan بتاعتك، بعدين كتبت الـcontent و وصل للناس و بدأ يجيلك feedback منهم و لو في مشكلة حليتها. ده معناه أن بقى عندك leads، فلازم تتابعهم لحد ما يوصلوا لأنهم يكونوا customer، دة معناه أنك محتاج تعمل lead nurturing، تقدر تعرفه عنه أكثر من هنا.

الخلاصة..

أساس اي e-marketing ناجح هو العواميد الثلاثة (Facebook، Blog، SEO) ، طب أنت اكيد بتفكر هتعمل دة كله ازاي؟، أعمل Content تقيل، يعني يكون فيه value  غير عاديه كنز يعني، عشان الـBlog بتاعك، و ظبط الـcontent دة أنهُ يـrank  في الـsearch engine وبكده هتكون ضربت عصفورين بحجر،  ومنه اعمل recycling للـContent التقيل المحترم ده وخرج منه Social Content عشان الـSocial Media بتاعتك، والـRecycling يعني مش مقصود بيه قص ولزق (يعني متقطعش الـArticle خمس حتت و تقول ده Recycling)، لازم نتيجة الـRecycling تكون حاجة مشفتهاش قبل كده ومتحسسنيش انك بتكرر نفسك  الكلام . أنا كدة علمتك أنك تستغنى حتى عننا أحنا، و بقيت مش محتاج أي e-marketing agency، 🙂

أرجوك قرر انك تظبط الـMarketing بتاعك بشوية الحاجات البسيطة اللي فوق عشان ترجعلك بفايدة تمكنك تتعمق أكتر في الموضوع و هكذا  😉

Write your review

Send me Tips to Grow My Business