الـnegative buyer persona هتهد الـbusiness بتاعك

الـNegative Buyer Persona هتهد الـBusiness بتاعك

أول حاجة لازم تتطبق فى الـinbound هى الـvalue اللى هتقدمها – بعد ما تاخد الـpermission طبعاً – ، بس الـvalue ليها ناسها برده ، اللى هما الـBuyer personas 😀

الـbuyer persona هى الشخصية الإعتبارية اللى بتحددها و بترسم كل حاجة في صفاتها لأنها الـ potential customer للـ product بتاعك، فلازم تبقى متخيل عنها حاجات كتيرعلشان تعرف تعملها attraction و تحولهم لـleads علشان بعدين يشتروا منَك و يبقوا promoters. لازم تبقى عارف كل حاجة عن الشخص اللى هتعمّلُه كل ده علشان تعملهوله صح و تكسبُه فعلاً 😉

عندك 3 مُصطلحات قريبين من بعض لازم تاخد بالك منهم:-

  1. الـpersona
  2. الـbuyer persona
  3. الـnegative buyer persona.

أنت اللى يهمك فعلاً ، الـbuyer personas لأن ده اللى بتشتغل علشان تعمله attraction و تبنى معاه relationship فعلاً بس الإتنين التانيين لو مافهمتهمش كويس جداً الدنيا هتبوظ منك عالآخر.

الـpersonas و الـbuyer personas الفرق بينهم واضح ، ناس هتحب جداً الـvalue اللى بتقدمها و هتشترى و ناس بتحب جداً الحاجة اللى بتقدمها و مش هتشترى ، بس ممكن يبقوا promoters ليك ، فماتنساهمش أوى 😉

المطلوب منَك تاخد بالك من الفرق البسيط ده علشان ماتلاقيش نفسَك طّلعت value عظيمة جداً لناس عُمرهُم ما هيشتروا منَك 🙂

طيب و الـnegative buyer persona ؟!

الـnegative buyer persona هما الناس اللى أنت مش عايزهم خـــــالص فى الـcommunity بتاعَك ولا قريبين من الـaudience بتوعَك.

الـnegative buyer persona ممكن يشترى منك ، بس مش هتاخد منه مكسب الـinbound اللى المفروض تاخده ؛ زى انه يتكلم عنَك كويس أو انه يرجعلَك تانى.

الـnegative buyer persona ممكن يكون مستوى الـservice أو الـproduct اللى هو عايزه advanced عن اللى أنت تقدر تقدمه.

الـnegative buyer persona ممكن يكون حد مستواه بيخليه يستفيد من الـvalue اللى بتقدمها بس عمره ما هيشترى ، لأنه اصلا مش عارف أنت بتعمل ايه، زى مثلا الطلاب اللى بيعملوا research فبيستفيدو من العلم و الـvalue لكن مبيتأثروش بيك =D

“خُد بالك ، دول غير الناس اللي مش هتشترى منك بس personas عندَك -زى ما قولتلَك فوق- لانهم هيعملولَك word of mouth عظيمة ، و أهميتهم بتبان بقوة تأثير كلامهم عنَك 😉 “

أخطر حاجة فى الـnegative buyer personas انهم قريبين من الـbuyer personas بتوعَك و انك تبعدهم ده اللى صعب.

Case Study 1 : وادى دجلة 

زى مثلاً نادى وادى دِجلة لما عمل الـpost ده

الفكرة اللى عايز يوصلها الـpost أن اعضاء النادى لما شافوا انه بقى زحمة و فى ناس كتير بتقدر تاخد العضوية  طلبوا حل للموضوع  و كان من ضمن الحلول زيادة مصاريف الإشتراك  و النادى عمل Announcement فى الـ Post ده ، وكانت ديه النتيجة 😀

الأصح ان ادارة النادى تاخد فى اعتبارها الـnegative buyer persona اللى بيجولها و تلحق الدُنيا من قبل اصلاً ما يجيلها شكاوى من الأعضاء بتوعها ،بس الكلام ده على مستوى الـbusiness ككُل .. إنما لو جينا اتكلمنا على مستوى الـsocial media marketing بقى؟؟؟

الـpost عامل engagement عالية جداً بس الاغلبية العُظمى اللى بتتكلم negative buyer persona.

اللى حصل أن الـPost اتعمل لـbuyer persona معُينة بس الـnegative buyer persona هما اللى اتشدوا باستفزاز للـpost و ده حصل بدايةَ من الـcontext اللى اتكتب فيه “نزولاً على رغبة الأعضاء” اضافة للرقم نفسه اللى اتعرض.

فى الأغلب هو احتمال من الإتنين:-

احتمال واحد::- أن النادى يكون قاصد الـPost يطلع بالـ Context المستفز ده فيبدأ عدد كبير من الناس تـ Engage معاه فيعلى الـ Reach بتاع الـ Post و يوصل الـ Post للـ Buyer Persona المناسبة ليه بشكل غير مباشر من غير ما يدفع ولا مليم Ads .. ويكون بكده استفاد من الـ negative Buyer persona اللى هيشوفوا الـ Post مش موجودين و خلاص 😀 !

حالة اتنين::- أنه يكون عمل كده عن غير قصد و بدون مراعآة الـnegative buyer persona ، و ربنا يستُر و مايكُنش ده خلى الـlikes من الـ negative buyer persona دى تزيد لأن فى ناس بتستفزهم الحاجات فتابع.

ده يبان من الـInsights بتاعتهُم و ده مُجرد تخمين مش أكتر 🙂 ممكن يكون النادى مش قاصد أى حاجة من دول و كان بيعلِن أن الاشتراك هيزيد و بس 😀 

بس اللى وصلنالُه ، أن كان عندهُم عدد مش قليل من الـ negative buyer persona و الـ Post بيِّن ده :/ 

Case Study 2 : School Of Marketing 

school of marketing دايماً بيجيلها شكاوى من دخول الكلام الـenglish وسط الكلام العربى -و ده الى حد ما بيحصل لغاية دلوقتى- بس الأكيد ان دول اساساً مش الـIdeal Buyer Persona عندنا

احياناً بيبقى حل الـnegative buyer persona انك تطفشهُم 😉

بس الفئة دى من الـNegative buyer persona فى الاغلب كُتر تطنيشَك ليهم بيبقى جاب آخرهم و مستينلَك عالغلطة ، فلما تنزلهم article غريبة هيجيلَك bad comments كتير جداً منهُم.

اللى شوفناه أن بعد الـarticle دى و كذا article تانية بنفس الطريقة سببو فى ان الـpage تاخد ما يقرُب من الـ100 unlike، و من هنا ظهروا الـnegative buyer personas

سواء بقى الناس اللى كانت معترضة على الـbrand voice بتاعنا أو الناس اللى ماكناش واخدين منهم permission كافى للى عايزين نقدمُه ؛ فالاكيد ان الـnegative buyer persona بتوعنا ظهروا من هنا.

الـnegative buyer personas حلهُم ايه؟

الحل الأمثل انك تعمل حسابِك عليهم و تعملهُم sheet قبل ما تبدأ شُغل اصلاً  زى ما بتعمل مع الـbuyer personas بتوعَك بالظبط.

اعرف انهم -للاسف- فى الأول و الآخر اسمهم buyer personas ، و الـbuyer personas بيتعملهم content و ads و responding مخصوص =D
الـbuyer personas بتوعنا بنعملهم الحاجات دى علشان نجبهم، انما الـnegative buyer personas بنعملهم الحاجات دى علشان نطفشهُم 3:) لانهم بيضروا الـBusiness جداً.

ببساطة شديدة زى ما فى ناس هيفيدوا شُغلَك فى ناس هيضروه ؛ فخُد بالَك بس من دول زى ما بتاخد بالك من دول  علشان أنت نجاحَك فى الأول و الأخر مش بيتبنى على sales بس 😉

الاكيد بقى انك تقدر تستغل الـnegative buyer persona فى حاجة positive زى ما حصل هنا

قولِنا تعمل ايه علشان تطفِش الـnegative buyer personas؟

Write your review

Send me Tips to Grow My Business