متوظفش غير الـoffice boy

متوظفش غير الـ Office Boy

الـStart up ليه ظروف خاصة كـBusiness، وده علشان في نقص في الإمكانيات سواء مادية أو الناس اللى هتشتغل، حتى في حالة ان فيه Fund ممكن يفضل الحال على ما هو عليه تقريباً، والسبب إن بيكون فيه حاجات مهمة لازم تحصل، زى انك تـInvest في الـMarketing، أو تكمل الضروريات زى مقر أحسن للشركة وأثاث وهكذا.

بناءا على تجربتنا  “لو عايز تجيب احسن نتائج ليك كـStartup،  خليك على مبدأ الـLean

حاجات كتير في الـBusiness بتاعك محتاجة شغل ومصاريف، لو فكرت إن كل ما تحتاج حاجة هتوظف اللى بيعملها على مبدأ “إدي العيش لخبازه”، مش هتقدر تكمل بالـStartup  بتاعك كتير، أو على الأقل هتفضل عندك مشاكل أنت مش هتستحلمها وأنت في المرحلة دي.

في حاجات ممكن تكون محتاجة وقت علشان تعملها او تتعلم تعملها، وفي حالتك أغلى حاجة عندك هو وقتك، محتاج تقرر هتتعامل إزاي مع الـCompetitors بتوعك، إيه اللي محتاج تجربه علشان تحدد احسن Marketing Platform  ليك، وقرارات بتطلعلك كل يوم محتاج تأخدها.

في نفس الوقت لازم تقدر خطورة ان الـResources مش كتير، وانك محتاج تعرف إن كان توظيفك للشخص ده هيفيدك فعلا ولا لأ، طريقة تفكير المصالح الحكومية إنك توظف حد علشان احتمال تحتاج ليه، اكيد مش هيكون مناسب لـStartup لسه بيقف على رجله، واكيد انت مش عايز تشغل حد وتكتشف إن بقى حمل عليك وعلى شركتك.

اكيد أنت مش Superman ولا هتقدر تعمل كل حاجة لكن خلينا نشتغل بمبدأ :

“متوظفش حد قبل ما تجرب أنت الأول وتفشل.”

عارف جملة “مش يمكن لما اجرب اطلع بعرف”، خلينا نحولها “مش يمكن لما اجرب تطلع سهلة”

انك تجرب تعمل الحاجة بنفسك الأول هيفيدك في اكتر من حاجة :

1-هتوفر في الـresources بتاعتك خصوصاً في الاول.

2- هتيديك خبرة ايه المشكلة فعلا، وحدودها ايه.

3- لما هتشغل حد يعملها “بعد ما تفشل فيها”، هتعرف تتأكد هو بيعمل شغله صح ولا غلط بناءاً على تجربتك.

4- لما تكبر شركتك في يوم هتبقى شخص جرب كل حاجة وعارف يحرك المركب ازاي صح.

طيب خلينا نتكلم عن تجربتنا وإزاي حولنا نعمل ده

الحسابات:

إنك توظف محاسب محتاج شروط معينة في شغلك، زى أن تكون حركة الفلوس عندك كتير ومتداخلة، لكن لو ده مش بيحصل يبقى ممكن تستغنى عن المحاسب بـSoftware محترم يخدم شغلك ويطلعلك الـReports اللي محتاجها، ده ميمنعش انك ممكن تحتاج تكون عارف محاسب يظبطلك الشغل بس ده هيبقى كل فين وفين “كل سنة مالية تقريبا” وده اكيد هيبقى اوفر، جرب تكون انت المحاسب.

الـHR :

لما نكون بنقول اعمل كل حاجة بنفسك يبقى الـHR جاى يشتغل مع مين؟ أنت شغلك اصلا مبني على ايه، هل عندك ناس بتصنع منتج معين محتاج تتابعهم، أو عندك Teamwork عموماً بيشتغلوا على حاجة، ممكن تحتاج توظف ناس علشان التصنيع أو التوصيل او غيره.

متوظفش حد للـHR إلا لو أنت مش قادر تتابع الشخص ده بنفسك  و ده مش هيحصل اكيد وأنت عندك 10 /15 موظف و ده في الأغلب الحجم اللي هتفضل عليه الـStartup في المرحله الأولى

الشئون القانونية:

المحامي من أكتر الأشخاص اللي ممكن تشتغل عليه بمبدأ الـlean، لأنه اصلا شخص مش هتحتاجه كل يوم وخصوصاً فى الأول، لو أنت معندكش خبرة في الشئون القانوينة شوف محامي يعملك الشغل اللي مكمن تحتاجه كتير، زي مثلا عقود الشغل وغيره، اى حاجة هتحتاجها كتير خليه يعملك منها Templates، وخليها عندك على كـWord File، كده تقدر تشتغل عليها وتضيف اللى أنت عايزة طبعاً مع ملاحظة انك ترجعله كإستشارة لو في حاجة مهمة، وده مش هيحصل دايما.

الـMarketing و الـSales :

تقدر تتعلم marketing؟ تمام جرب، عندك الـSkills اللي تساعدك في الـSales؟ اشتغل. يمكن يكون الجزء ده بالذات انت فعلا محتاج تجربه، مش بس بدافع التوفير، لكن عشان الحاجتين دول بتقدر تعرف لو عندك مشكلة ولا لأ بسرعة، لأن في حاجة زى الـConversion Rate، هتقدر تحدد بيها انت ماشي صح ولا لأ.

لو لقيت إن اللي بتعمله فعلا نتايجه غلط، كده تبقى محتاج حاجة من إتنين إما انك تختار Agency مناسبة تمسك الجزء ده، او على المبدأ اللي بنتكلم فيه توظف حد يمسك الـmarketing بعد ما لمست المشكلة، لو نظرا للظروف وظفت حد “ماشي الحال”، هتبقى محتاج إن حد يتابع الشغل معه علشان توصل للنتائج الصح.

الكلام ده بناءً على تجربتنا، اللي جايز مكنتش مناسبة لكل الناس، حاجات كنا بنعملها واحنا مسمعناش عنها قبل كده، بس ده ممعنش اننا كنا عاملين شغل كويس، في اشخاص كان الإستغناء عنها صعب جدا، زي الـDesigners وده ممكن يكون بسبب طبيعة شغلنا، وده ممنعش اننا نتصرف بـWebsite زى PicMonkey.

بعد ما جربنا لقينا اكتر حاجة ممكن فعلا تكدرك في الشغل هو الـOffice Boy، أنت محتاج حد يظبط المكان اللي هتعمل فيه الشغل ده كله، محتاج حد يوفر وقت الناس اللي بيشتغلو معاك لأن وقتهم اغلي بكتير من انه يضيع في شاي و قهوه، فعلا لا غنى عن الـOffice Boy.

على حسب طبيعة الـStartup  بتاعك ايه الشخص اللي متقدرش تستغنى عنه ؟

Head Of Converting @ Idea Cloud Agency

Write your review

Send me Tips to Grow My Business